Касцёл у Оршы запрашае дзяцей і моладзь

Новости общества
0
(0)

11-14 жніўня ў Оршы ў касцёле Св. Юзафа па вуліцы Савецкая, 6 адбудзецца І Парафіяда Віцебскай дыяцэзіі.

Парафіяда – гэта сучасны выклік маладому пакаленню, каб праз розныя спартыўныя спаборніцтвы, тэатральныя здольнасці, адукаванасць і духоўнае багацце навучыцца разам праслаўляць Бога, быць сапраўдным сведкам Езуса і пераказваць іншым керыгмат хрысціянскай веры. Таму дзеці і моладзь, упершыню ў гісторыі Віцебскай дыяцэзіі, змогуць праявіць свае здольнасці ў намінацыях: спорт, тэатр, святыня.

Умовы ўдзелу:
1. Заяву на ўдзел (спіс+кантакты) трэба падаць да 30 чэрвеня на электронны адрас [email protected]. Заява павінна ўключаць:

спіс удзельнікаў каманды ў дзвюх узроставых катэгорыях: «А» — 12-14 гадоў, «В» — 15-17 гадоў; склад каманды налічвае 10 дзяцей і 2 дарослых;
кантакты адказных за групу – нумар тэлефона і адрас электроннай пошты
Медыцынскі агляд. Для ўдзелу ў спартыўных спаборніцтвах прадстаўляецца даведка ад урача аб стане здароўя (падаецца асабіста пры рэгістрацыі).
Хатняе заданне (падкрэслена).

Віды спаборніцтваў на Парафіядзе:
Спорт: бег 60 і 100 метраў, басейн (вольны стыль плавання), скачкі ў даўжыню, настольны тэніс, шашкі, шахматы, футбол, валейбол, эстафета;
Тэатр: візітная картка каманды (пра сваю парафію, не больш за 10 хвілін), мастацтва, конкурс рэлігійнай песні (вакал), літаратурны жанр, флэш-моб (танцы);
Святыня: тэсціраванне (біяграфія святых Віцебскай дыяцэзіі), малітва пяці пальцаў (створаная Папам Францішкам), тэсты па Бібліі і святой Літургіі, гісторыя святынь г. Орша.

Пачатак — 11 жніўня (14.00 — рэгістрацыя ўдзельнікаў, 15.00 – святая Імша і ўрачыстае адкрыццё Парафіяды).

Арганізатары забяспечваюць удзельнікам начлег, харчаванне, праграму, экскурсіі, валанцёрскую і медыцынскую дапамогу, добры настрой і шмат цікавых рэчаў.

З гісторыі: Таварыства «Парафіяда імя св. Юзафа Каласанса» было заснавана ў 1992 годзе айцом Юзафам Ёнецам, піярам, каб у сучасным свеце працягваць справу выхавання дзяцей і моладзі згодна з правіламі, якія былі створаныя 400 гадоў таму св. Юзафам Каласансам. Уся дзейнасць таварыства скіравана на тое, каб імкнуцца выхаваць дзяцей і моладзь згодна з парафіяльнай трыядай «спорт — тэатр — святыня». У спартыўных, адукацыйных і патрыятычных праграмах, якія праводзяцца ў школах, спартыўных клубах, парафіях, святліцах і ў іншых шматлікіх установах прымаюць удзел тысячы маладых людзей.

Больш падрабязную інфармацыю пра Парафіяду ў Віцебскай дыяцэзіі можна атрымаць па тэл.:
+375 29 216 99 82 – кс. Валерый Орсік, адказны за Парафіяду;
+375 29 569 99 41 – Кацярына Салаўёва, валанцёрскае згуртаванне;
альбо па e-mail [email protected].

Паводле  catholicnews.by

Нажмите на звезду, чтобы оценить материал!

Средняя оценка 0 / 5. Количество оценок: 0

Оценок пока нет. Поставьте оценку первым.

Так как вы нашли эту публикацию полезной...

Поделитесь статьей в соцсетях!

Добавить комментарий