Гэтым разам вядомы беларускі паэт прыязжаў не на лтітаратурную сустрэчу з аматарамі свае творчасці, а як удзельнік выбарчай кампаніі.
Уладзімір Някляеў, лідар кампаніі «Гавары праўду», стаў даверанай асобай кандыдата ў дэпутаты Канстанціна Анташкевіча.
Візіт у Оршу пачаўся традыцыйна – з ускладання кветак да помніка Уладзіміру Караткевічу. Уладзімір Някляеў, бываючы тут, ніколі не абыходзіць сваёй увагай гэтае месца, і заўжды імкнецца ўшанаваць памяць нашага славутага земляка.
Наведанне раённай выбарчай камісіі стала наступным пунктам у ягоным плане. Уладзімір Някляеў пазнаёміўся са старшынём камісіі, і атрымаў завярэнні, што аніякіх перашкодаў у хадзе выбарчай кампаніі няма. Праблему, якая ўзнікла ў кандыдата Ігара Казмерчака, якому друкарня адмовіла ў выпуску агітацыйных улётак, ён паабяцаў вырашыць неадкладна.
Пасля гэтага УладзіміНякляеў накіраваўся на аршанскі кірмаш, размаўляў з пакупнікамі і гандлярамі пра эканамічную сітуацыю ў Оршы і ў краіне. А таксама пра тое, якое выйсце аршанцы бачаць з цяперашніх няпростых фінансавых умоваў. Гутарка на гэтую тэму працягвалася і падчас агітацыйнага пікета, які кандыдат у дэпутаты Канстанцін Анташкевіч правёў каля Дома культуры чыгуначнікаў – з удзелам Уладзіміра Някляева і іншых кандыдатаў.
