Да 75-годдзя з нараджэння ў Гісторыка-культурным музеі-запаведніку «Заслаўе» адкрылася выстава аднаго з буйнейшых майстроў беларускага жывапісу мастака Пятра Шарыпы. Ён нарадзіўся 11 красавіка 1942 году ў вёсцы Арашкі Аршанскага раёну. Будучы мастак скончыў сярэднюю школу ў Арэхаўску.
Пётр Шарыпа зрабіў значны ўнёсак у беларускае мастацтва другой паловы ХХ-га стагоддзя. На працягу амаль саракагадовага творчага шляху мастак стварыў шэраг палотнаў у розных жанрах алейнага жывапісу: партрэт, тэматычная карціна, нацюрморт, пейзаж. Менавіта ў пейзажы найбольш яскрава праявiўся яго талент.
З сярэдзiны 1970-х гадоў Пётр Шарыпа знаходзiць свой адметны стыль, якi характэрызуецца ўвагай да канкрэтнага стану прыроды, дакладным малюнкам i вытанчаным каларытам. Гэта серыi пленэрных краявiдаў ранняй вясны; вiды старажытных беларускiх гарадоў i мястэчак – Полацк, Гальшаны, Пiнск, Мядзель, бязмежныя далягляды Браслаўшчыны. У майстэрнi былi напiсаны гiстарычныя i эпiчныя творы: «Нясвiж» (1976), «Вясна» (1985), «Гальшаны» (1990), «Развiтанне з роднай вёскай» (1992). Ва ўсiх гэтых творах паўстае рамантычна-узнёслы, прасякнуты нязгаснай любоўю вобраз Радзiмы.
Мастак любіў пісаць і тонка адчуваў прыгажосць сумежных станаў прыроды: ранняй вясны, глыбокай восені. Пятра Шарыпа па праву можна назваць спяваком воблачнага беларускага неба. Ен віртуозна умеў перадаваць яго свячэнне і вечную зменлівасць.
Мастак памёр 3 лістапада 2013 года ў Мінску. Пахаваны у Арэхаўску.
А.Рудак.
Кабылякi. Пачатак Кабылякi. Пачатак восенi. 1980. 52 х 75 .Палатно, алей
