Віктар Лютынскі, выкладчык, краязнаўца і аматар гісторыі Оршы, прапануе карыстальнікам “Фэйсбуку” завочныя экскурсіі па вуліцах прыватнага сектару Задняпроўя.
Верагодна, не кожны аршанец хоць раз у жыцці пабываў на вуліцы 11 ліпеня або на вуліцы Громава, якая раней звадася Цёмным завулкам. Аповеды Віктара Лютынскага разам з фотаздымкамі, размешчаныя на ягонай старонцы ў Фэйсбуку, дазваляюць здзейсніць гэткае падарожжа хаця б віртуальна.