Украінскі мастак Юрый Нікіцін з г.Роўна стварае батальнае палатно «Перамога князя Астрожскага пад Оршай». Назіраць за працэсам можна анлайн на сайце orshafest.org.ua, прамыя ўключэнні на сайце адбываюцца штодня ў 16:00 і ў 17:30.
Мастак абяцае напісаць палатно за два тыдні. Ен стварае яго публічна: на вачах гледачоў у Ровенскай галерэі еўрапейскай жывапісу «Еўра-Арт».
У Роўна, а таксама іншых украінскіх гарадах сёлета пройдзе шмат мерапрыемстваў у гонар Бітвы пад Оршай. Найбуйнейшыя мерапрыемствы адбудуцца з 6 па 7 верасня.
У Роўна агульнагарадскі святкаванне пачнецца 7 верасня ў 10-00 з адкрыцця «Кірмаша майстроў», паралельна пачнецца круглы стол «Украінская ментальнасць, місія і светапогляд вачыма творцаў (літаратары)». Адбудуцца ў гэты дзень дзве прэзентацыі: у прыватнасці, у абласным краязнаўчым музеі будзе прадстаўлена тая самая карціна Юрыя Нікіціна «Перамога пад Оршай». Потым у Роўна ўрачыста адкрыюць мемарыяльны знак Канстанціну Астрожскаму і адбудзецца фінал турніра па стральбе з лука. Увечары пройдзе святочны дабрачынны канцэрт, які скончыцца вогненным шоу.
У Астрогу святкаванне пачнецца раніцай 6 верасня. Тут на цэнтральнай плошчы сустрэнуцца афіцыйныя дэлегацыі амбасадараў Польшчы, Беларусі і Літвы. Амбасадары, гараджане і іншыя прысутныя ўскладуць кветкі да помніка князям Астрожскім. У краязнаўчым музеі пройдзе некалькі прэзентацый. Ва універсітэце адбудзецца круглы стол экспертаў «Перамога пад Оршай і сучасныя перспектывы балта-чарнаморскага альянсу». А ўвечары на замкавай гары пачнецца вялікі фестываль АстрогSESSION. У вячэрнюю праграму будуць уключаны выставы, канцэрт этна-, джаз-, блюз-, фолк-музыкі, майстар-класы рамёстваў, кірмаш майстроў, кулінарныя дэгустацыі, інш.
У Дубна мерапрыемствы пачнуцца таксама 6 верасня — з канцэртнай праграмы пад назвай «Рэзідэнцыя князёў Астрожскіх» і адкрыцця выставы па выніках міжнароднага пленэру мастакоў. Далей уся праграма будзе арыентавана на рэстаўрацыю побыту тых часоў: касцюмы, рамёствы, сярэднявечныя танцы, стральба з лука, выступ лірнікаў і турнір «Кубак князёў Астрожскіх». Вячэрняя праграма будзе складацца з канцэрта абласной філармоніі з выкананнем твораў кампазітараў 16-17 стагоддзяў, дэгустацыі страваў валынскай кухні, тэатральнай пастаноўкі «Духі і легенды Дубенскага замка».
У Стараканстанцінаве запланаваныя спецыяльныя школьныя ўрокі, «круглыя сталы», мастацкія выставы, прэзентацыі фільмаў, і шмат іншых мерапрыемстваў, прысвечаныя знакавай гістарычнай падзеі.
Бітва пад Оршай адбылася 8 верасня 1514 г падчас чарговай вайны з Маскоўскім княствам, калі маскоўскія войскі спрабавалі захапіць тэрыторыю ВКЛ. Адным з галоўных герояў Аршанскай бітвы быў гетман Канстанцін Астрожскі. Менавіта ён быў на чале 30-тысячнага беларускага войска, якое цалкам разбіла 80-тысячнае маскоўскае войска.